Ffeiriau a digwyddiadau gyrfaoedd
Rydyn ni wrth ein boddau ein bod yn gallu croesawu cyflogwyr yn ôl ar y campws. Estynnwn wahoddiad ichi gwrdd â'n myfyrwyr a thrafod gyda nhw yn ein hadeilad eiconig newydd wrth ganol y brifysgol, sef Canolfan Bywyd y Myfyrwyr.
Rydyn ni’n trin gweithgareddau ymgysylltu â myfyrwyr mewn ffordd gyfunol ac rydyn ni’n gallu cynnig ystod o gyfleoedd fydd yn cefnogi eich ymgyrchoedd recriwtio. Bydd hyn yn golygu y gallwch chi hyrwyddo cyfleoedd a meithrin eich brand yn rhithiwr neu wyneb yn wyneb.
Mae ein ffeiriau a’n digwyddiadau gyrfaoedd yn rhoi’r cyfle i fyfyrwyr gwrdd â chyn-fyfyrwyr a chyflogwyr a chael cipolwg a rhagor o wybodaeth am swyddi i raddedigion, cyfleoedd am interniaethau a lleoliadau gwaith, a’u helpu i ddod o hyd i’w gyrfa yn y dyfodol drwy gynnig sesiynau sgiliau, sgyrsiau a gweithdai.
Swyddi ac Interniaethau Ffair
Dydd Mawrth 5 Mawrth 2024, 10:00 – 15:00
Yng Nghanolfan Bywyd y Myfyrwyr.
Cyfle i ddod o hyd i dalent a chwrdd â myfyrwyr o amrywiaeth o ddisgyblaethau sy'n chwilio am leoliadau gwaith a chyfleoedd i raddedigion
Cyfle i hwyluso ymgysylltiad cynnar â myfyrwyr blwyddyn gyntaf, ail flwyddyn a’r flwyddyn olaf ond un a datblygu ymwybyddiaeth o’ch brand yn gynnar.
Oes gennych chi ddiddordeb mewn rhagor o gyfleoedd marchnata?
Beth bynnag fo'ch cyllideb, mae gennym opsiynau ychwanegol i ddiwallu eich anghenion:
- Nawdd
- Pecynnau i Brif Arddangoswyr
- Cyfleoedd hysbysebu ychwanegol
Sylwer bod cynnal digwyddiadau ar y campws yn amodol ar ganllawiau'r Llywodraeth a'r Brifysgol.
Digwyddiadau o dan sylw
Dyluniwyd ein digwyddiadau panel wyneb yn wyneb i roi cipolwg i fyfyrwyr ar yr ystod o yrfaoedd cyffrous sydd ar gael iddyn nhw ar ôl graddio. Dyma'ch cyfle i chwalu rhai o'r mythau a allai fod ynghlwm wrth eich diwydiant, yr heriau allweddol y bydd myfyrwyr yn eu hwynebu hwyrach wrth ddewis yr yrfa hon ac yn seiliedig ar eich profiad, y ffactorau pwysicaf y dylai myfyrwyr eu hystyried wrth feddwl am eu gyrfaoedd ar ôl graddio.
Dyma rai o'n digwyddiadau blaenorol a gynhaliwyd yng Ngwanwyn 2022:
- Dewch o hyd i'ch dyfodol ym maes yr amgylchedd
- Dewch o hyd i'ch dyfodol ym maes technoleg
- Dewch o hyd i'ch dyfodol creadigol
- Digwyddiadau amrywiaeth 'cwrdd â'r gweithwyr proffesiynol'
- Ffair Gyrfaoedd MBA
Os hoffech chi glywed rhagor am y digwyddiadau uchod, cysylltwch â'r tîm Ymgysylltu â Chyflogwyr drwy employerservices@caerdydd.ac.uk.
Rhagor o wybodaeth
Mae croeso ichi gysylltu â'r tîm Ymgysylltu â Chyflogwyr i drafod eich anghenion recriwtio.